Shillong: Uwa e buit ya ka Meghalaya Pradesh Congress Committee (MPCC), u Dr. DD Lapang da kyntait u wa em iwon iwon i piah ha ka Congress, wei kam ka party man ko ka wi wei yatylli ko hadooh katni.
Ini i ong u Dr. Lapang toh hadien wa mih noh ki 7 MLA wa kynthup ya u AL Hek ynne ka sngi.
Hawa yaklam wa kiwa pathai khubor Dr. Lapang da ong u wa kitu ki wym yahaap de wa ka party da mih noh ki wei ym ye u khang ya ki.
Hei yatoh wa i dawa ki MLA wow pynkylla noh ya ki wa yahkhmat kamjooh leh wow tyngkheiñ noh ya u Dr. Mukul Sangma, u Dr. Lapang da ong u wa nadooh nachwa da em kiwa yaklam wa ki heh ka All India Congress Committee (AICC) tangwa ym em de da kiwi kiwa ye u chim ya ini i kaam.
U Lapang da kylli u leh yeidaw wa u Prestone Tynsong u wow psiah noh cha ka NPP ha ka 4 tarik uni u bnai waroh chi kattu suki u tangwa manda katni won pynbaad u wa leh embor u Dr. Mukul.
Chooh chooh da ong u wa lada u Prestone sñiaw u wa leh embor u da toh wow pyllang u ya ki MLA wow pynsñiaw yeini ha ka party.
Discussion about this post