Psiah ki 8 ngut ki MLA warim cha ka NPP deiwa beiñ ya ka Congress

Shillong: Ka National People’s Party (NPP) ynnin ka sngi da pdiang ko ya ki 8 ngut ki MLA warim ka jylla kiwa dang dep ieh wot yei kaam MLA yong ki, kiwa kynthup ya kiwa na ri-loom Khasi wa Jaiñtia wei da pdiang ya ki cha ka NPP ha ka yalang wa man ha madan Polo, Shillong.

Kini ki MLA kynthup ki san ngut na ka Congress, kitæ toh u Prestone Tynsong, u Coming One Ymbon, u Rowel Lyngdoh, u Ngaitlang Dhar wa u Sniawbhalang Dhar. Kiwi won kynthup ki ya u MLA warim ka UDP, u Remington Pyngrope wa ar ngut ki MLA samen na Jaiñtia Hills, u Hopeful Bamon wa u Stephanson Mukhim.

Hawa klam ha kani ka yalang u Rowel da ong u wa waroh emkaam ki yei kylla wei ini i kylla u wan i hadien wa kyrriah ya u Dr. Mukul na i bor.

Neiliang u Prestone da ong u wa lada ki paidbah pynbaad ki wa i mih yong ki na ka Congress toh wa kwah bor ki, da ong u ha’o wei ini toh neibynta ki paidbah.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Prestone da ong u wa i daw wa mih ki na ka Congress toh nei lehbor u Dr. Mukul Sangma kam u Montri Rangbah.

Da ong u wa na pyrdi ki 11 ngut ki Montri Rangbah ka jylla, toh du u Dr Mukul uwa da synchaar embor neitæ i daw ym ye chah de wei haap mih noh na ka Party.

Chooh chooh da ong u wa hapoh ka ri India em 29 tylli ki jylla wa 29 ngut ki Montri Rangbah, tangwa du u Dr. Mukul uwa ksoh record heiwa da pait u hadooh 18 tylli ki tnat sorkar samen donhi.

“Nga sñiaw wyrai O ya kini ki montri ha ka sorkar u Dr. Mukul,” da ong u Prestone.

Katwa u Sniawbhalang da kam u wa na Jaiñtia Hills, na ki 7 tylli ki Constituency ka NPP u jop ko ym duna ya ki 6 ngut wei da ong u wa u Dr. Mukul toh u Montri Rangbah ka Ampati ym yong ka jylla Meghalaya.