Ka CBI man ko kam ka sim wa chah kset kawa pynemkaam bakla kiwa boon: Dr. Mukul

Shillong: U Montri Rangbah ka jylla u Dr. Mukul Sangma ynne ka sngi da ong u wa ka CBI toh u pynchitom ko ya ki heh ka North Eastern Electric Power Corporation Limited (NEEPCO) wa e laad ko ya ka BJP wow pynemkaam ya ka poisa yong ka yow pynman ya ki Rally ka BJP.

Ya ini da ong u yeiwa pynman ka BJP yei lehkmen wa dap 3 snem kam kawa yahkhmat ya ka sorkar pyrdi deiwa pynman ya ka yalang ha Amlarem ynnin u snem wei da ong u ya ini hadien wa kylli ya oo chaphang i chah pynngat mukotduma ka Ampareen ha ka CBI hei yatoh i kaam biah sia lieh ya ki marks kiwa yaleh kreh sikai skur LP School ha u snem 2008-09.

“Ki heh ka NEEPCO toh u chah pynchitom ki ha ka CBI wei ka CBI leh toh u leh hi ko dei bor yong ka u pynman ya ini ymtoh u yang ko deiwa chah hukum ko wow pynman ya ka takit. Hadooh katwon tylli ki kaam be-aiñ da dep leh ki?” Da kylli u Mukul.

“Ka BJP da nood ko hadooh wow pynbna ya u kyrtong yong ka ha kani ka yalang kawa pynlut da ka posa paidbah iwa man leh i tooh wei pynemkaam bakla ya ka poisa paidbah tangwa ym em wa nood u leh iyi iyi leh, wei ka BJP toh u pynuiñ ko ya ka poisa wa pynlut u pynman ya kani ka yalang,” da ong u Mukul.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u leh wa ka CBI man ko kam ka sim wa chah kset kawa pynemkaam bakla kiwa boon ya ka yow tymmoh ya ki kaam be-aiñ yong ki.

Hei yatoh wa ka Ampareen da ong u wa ka aiñ u lai hi ko ka luti yong ka wei kiwa chah pynbaad tip hi ki iyi u leh wow yada pyndaki ya ki hi.