Wai pynem warom ka Dulong ya ka tayaw lehkmen yong ka

Jowai : Ynnin i miet ka 8 tarik ka Dorbar Chnong Dulong, Jowai da wai pynemwarom ko ya ka tayaw lehkmen yong ka, heiwa u Riquoma Rq. Laloo da man u kam u kongsan.

Ya ka yalang da pyllai da u Snarmon Lato heiwa chwa u sdang da e yei kyntien ngoohblai na u Sienmi Lato katwa yei klam pdiang burom da e da u Waheh Chnong ka chnong u Sienwanmiki Bareh.

Ha kani ka yalang, u Rimiki Lada Nanghuloo wa man kam u Convener yong ka Dulong Week da khana u ya ki program waboon wa ka Committee da pynkhreh ko, hei klam yong oo da kyntu joor u ya ki khon ka chong yow man ki kiwa chongchit yow chimbynta heijooh i por u wan paitke.

Kam u kongsan u Laloo da kyntu u wa emkaam u man kiwa tip u kheiñkor yei por, emkaam u ya pynku uwi ya uwi næ kawi ya kawi heiwon iwon i liang.

Related posts

Daw pynman ya ka dorbar ka Seiñ Kur Phyllei, Langbang, Langwar, Wett & Nowa ha chnong Biar

January 16, 2025

Daw pynman ya ka dorbar ka Seiñ Kur Papiah ha chnong Priang

January 15, 2025

Da ong u i stat u manchwa wow booh ya ka Yungwalieh wow man kam kawi na ka thaw esikai ya ki khon ka chnong yow pynyoo ki ya ki sap yong ki chwa u mih yachimbynta ki cha kiwi tawon ki thaw, man ko kawa yoh myntoi bha ka pateiñ wa katni.

Ha kani ka miet da yoh ya ki kyntien e khublei na ka Womhasa Lamare, kawa man leh kam ka Assistant General Secretary ka Dorbar Chnong Dulong.

Ya kani ka tayaw lehkmen da sdang heiwa u kongsan da saam u ya ki Meritorious Award cha ki khynnah skur neitæ da pynbood won sa ka Kids Fashion Show wa ka MRS Traditional.

Kani ka tayaw lehkmen u pynkut ya ka ha ka 13 tarik uni u bnai.