Ampati: Ki khynnah khynroo khyllood ka Ampati Degree College, Ampati Sub-Divisional Higher Secondary School wa ka Ampati Government Higher Secondary School da pynkup burom ya ki kaam kiwa da pyndep ya ka Career Readiness and Life Skills Programme hapoh ka LEAP kawa dep pynman ha Ampati.
Kani ka esikai toh kawa da kyrchaan poisa da ka Chief Minister’s Career Guidance and Counselling Scheme wei da pynkrehkaam da ka yungkrehkaam u Deputy Commissioner, South West Garo Hills, Ampati.
Kiwa chimbynta ha kani ka esikai da yoh ki u tip kammon u pynkhreh yow ye u jied ya ki laad puræ puthi, i pynpliah ya i long i man wa kiwi kiwi ki wow yarap ya ki mynstep mankawi.
Kiwa chimbynta da ong ki wa i sñiaw skem yong ki da ku i 71%, i sñiawthooh yong ki wow jied ya i puræ wa i khih wa yatoh wa ki da che i kamwa 79% wa i tip ki wow yaklam wa kiwi deiwa tip u burom da ku i 86%.
U Deputy Commissioner ka South West Garo Hills, u Cyril V.D. Diengdoh, da pynsñiaw u yei sñiawngooh ya ki Principal kiwa pynkrehkaam ya ka Campus Career Readiness Programme deiwa ong wa lada kwah i u wanrah yei kylla emkaam u sdang i pyn na i hi wei emkaam u kynmoo wei wow burom ya waroh iwa thymme wa da tip ki ha kini ki sngi ha ka LEAP.
“Uwi pa uwi wa em hapoh yong i ki saap wa rieh wei chong ko ha i wow chem ki wei lada lai i ha kawon kawon ka luti emkaam u kynmoo u ap u sñiaw yeiwa ong u nood ya i.” Da ong u Diengdoh.
U Mark Stone Laitflang, Managing Director, Avenues da khana u chaphang kiwa boon jait kiwa da leh ha kini ki 10 sngi. “Waroh i jait wa pynman hapoh ka LEAP toh wow yarap ya ki khynnah kynroo khyllood wow pynkhreh ya ka mynried yong ki ha waroh i liang” da ong u.
Ka LEAP Meghalaya toh kawa sdang da u Montri Rangbah ka jylla ha ka yalang wa pynman ha Tura Government College, Tura ha ka 15-12-17.
Discussion about this post