Hadooh 73 jait ki dieñ, ki phlang ki ranem wa kiwa boonjait ki mrad khloo wa em hapoh Khloo Blai Chyrmang

Jowai: U sarok psiang uwa jrong kamwa 5 Kilometer nadooh na Yingkieñ Naar (Ar chka) wa em ha Treriat hadooh wa poi cha palat ka chnong Chyrmang da dep chna ya oo hapoh ka scheme PMGSY kawa da sdang u chna nadooh u Thohlakhmi (Feb) 2016 wei da pyndep ya ka ha ki bnai wa khaddooh u snem 2017.

Deiwa pyndep ya uni u sarok, ki paidbah kattu da suk ki u lai uiñke suwari cha ka Khloo Blai ka Raij Kongwasan Chyrmang Kmai wa em ha Chyrmang kawa heh kamwa 5.5 Hectare.

Kani ka Khloo Blai katni hei krehlang ka tnat Forest & Environment waka chnong da chna ya ka luti lai kjat neibhah kiwa chong chnong boon wa lai luti napyrdi yong ka.

Katkam wa pyntip ka tnat Forest hapoh kani ka Khloo Blai em 73 tylli ki jait dieñ, ki phlang wa ki ranem wei ha u snem 2015 ka Botanical Survey of India da chem ko ya u syntu wa dang thymme wa da tip pyrtuid kam u Bulbophyllum Chyrmangensis uwa chem nyngkong dooh hapoh kani ka khloo.

Hapoh kani ka khloo da em ki dieñ kiwa da rim bha heiwa da em ki thied dieñ wa da wandur ha kiwa boon jait ki dur wa kiwi ki phylla ki jait dieñ u chem hapoh kani ka khloo.

Related posts

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Daw pynman ya ka Lympung wa 29 ka Seiñ Kyntu Seiñ Raij 12 Daloi ha Seiñ Raij Nongtalang

January 15, 2026

Kani ka khloo toh leh kawa dang boon ki sim ki doh kiwa da yoh ka tnat Forest u chondur lyngba ki Camera Trap wa da booh ha kani ka thaw wei da yoh dur ya ki Indian Civet, Leopard Cat, Crab Eating Mongoose, Barking Deer wa kiwi kiwi.

Ka luti u lai kjat toh kawa tbian bha wei ym lut ware i por hawa uiñ hapoh kani khloo.