Pynkup burom ka Seiñkur “Kam” ya ki khon ka kur wa leh bha ha ka puræ puthi

Jowai: Ka Seiñ Kur “Kam” chibynta wow pyrchang wa khian yong ka wow pynchlur ya ki khon ka Kur “Kam” wow kehiñkor ko ya i puræ puthi da pynman ko ya ka yalang wa kyrpang wow pynkup burom ya ki khon yong ka Kur kiwa da poi cha ka kyrdan wa cha khmat kam ha ka Exam SSLC, HSSLC, Graduation wa ka Master Degree ha ka 13 tarik uni u bnai ha ka chnong Moolephaw Nongjngi.

Kiwa da pdiang ya ka khusnaam toh ka Dakanichwa Kam kawa da pyndep ya ka Master Degree na ka Education Department (NEHU Shillong) kawa da wan ha ka kyrdan kawa nyngkong kawa da yoh leh 67 %, u Dalanki Kam uwa da pyndep ya ka B.Sc – MLT (Bachelor of Science in Medical Lab & Technician) na ka Assam Downtown University Guwahati uwa da wan ha ka kyrdan wa nyngkong uwa da yoh leh 72%, u Kamwakwah Kam uwa da pyndep ya ka Class – 12 Science na Govt. Boys Higher Secondary School Jowai uwa da yoh 61%, u Haunidabiang Kam uwa da pyndep ya ka SSLC ha ka kyrdan 1^st Division (67 %) naka Govt Boys Higher Secondary School Jowai wa u Stefanson Kam uwa da pyndep ya ka SSLC na Nartiang Presbyterian Sec. School Nartiang ha ka kyrdan kawa 1^st Division (61%).

Ya ki khusnaam chirup wa ki Certificate da saam da u Coming One Ymbon uwa man leh kam u MLA warim ka 3 – Raliang Constituency uwa wan sakhi lang ya kani ka sngi kam u kongsan.