Jowai: Hadien wa pynbna ka Election Commission of India (ECI) ya ka Election MLA wow pynman ya ka ha ka 27 Thohlakhmi (February) wei ka ñiaw vote nawon ha ka 03 Wisu (March) da e yutip leh ka ECI ya kiwi kiwi hei yatoh wa kani ka Election.
Hapoh ka jylla Meghalaya da em 60 tylli ki Constituency wei da booh bhah 55 tylli ki Constituency neibynta ki Schedule Tribe.
Katkam ka Electoral Roll wa khaddooh hapoh ka jylla Meghalaya da em 18,31,487 ngut kiwa ye u thap vote ya kiwa tip leh kam ki Eligible Voters.
Na kini 9,07,223 toh ki chynrang katwa 9,24,264 ngut won toh ki kynthai.
Ha u snem 2013 hapoh ka Jylla da booh 2485 tylli ki Polling Station katwa ha uni u snem nawon da booh hadooh 3082 tylli, iwa mut da ku ki da 24%.
Discussion about this post