Da pynman ya ka Governor’s Cup Half-Marathon kawa nyngkong dooh hapoh ka ri

Shillong: U Governor ka jylla Meghalaya u Ganga Prasad ynne da pynhær u ya ka lama kam wow sdang ka Governor’s Cup Half-Marathon nadooh na Mawsynram chadooh cha Umkhakoi, Mawlyngbna, East Khasi Hills.

Ya kani ka yakop yaphet da pynman da ka yungkrehkaam u lat, ka Raj Bhavan, Shillong.

Hei klam ha ka yalang chwa wow sdang kani ka marathon da ong u wa kani toh ka sien wa nyngkong hapoh ka ri wa pynman ya kam kani wei daw pynman ya ka khlieh snem ha ka 20 Duyatra (January) wow kyntu kynrong ya ki kaam yalehke hapoh ka jylla.

Ha kani ka sngi da pynman leh ya ka Rural Sports Festival ha chnong Mawlyngbna heiwa da em ki yakop kam ki kiñ lien, yimpa, khwe dakha, yasiat khnam, rwai pyllah, wa kiwi kiwi.