Jowai: Kat dang lai ki sngi ki seiñ saiñ hima ha ki Contituency waphær waphær da chna ki ya ki dhab wa tip kam ki Election Committee wow kreh neibynta ka Election ka wow wan wow jied ya kiwa mihkhmat cha ki Yung Dorbar Chna Aiñ ka jylla wa tip leh kam ka Legislative Assembly.
Ynne ka sngi ka UDP hapoh ka 2- Jowai Constituency ka wow mihkhmat da u Moonlight Pariat da pynman ko ya ka General Meeting namo ka yalang wow chna ya kani ka Committee ha Yungwalieh wa thymme ka Dorbar Chnong Dulong, Jowai.
Ha kani ka yalang da wan sakhi da ki spah ngut kiwa kyrchaan ya u Moonlight kamjooh leh ya ka party na ki chnong waphær waphær yong ka Constituency.
Kamtæ kiwa kitkaam yong kani ka Election Committee man ki kamni ha wah:
Chairman: u Lamwan Paswet (Dulong)
Vice Chairman: u Chriam Ryngkhlem (Mihmyntdu)
Secretary: u Arwotki Sumer (Panaliar)
Assistant Secretary : u Trueman Passah (Panaliar)
Da em leh ki Executive member kiwa kynthup ya waroh ki Chairman wa ki Secretary yong ki Unit hapoh ki chnong waphær waphær ka Constituency.
Discussion about this post