Jowai: Ka Jingiaseng Samla KJP Synod Mihngi ha ka Emergent Executive Committee yong ka kawa da chong pyrkhat kaam ynne ka sngi da rai wow kyrriah noh ya ka tarik ka yaseiñ cha ka 9 – 11 Wisu (March) 2018 na ki tarik wa da pynbait nachwa, itæ ka 2-4 tarik.
I daw wa haap wow leh kamni toh hadien wa ka Election Commission of India da pynbna paidbah ko ya ka Election MLA hapoh ka jylla u man ko ha ka 27 Thohlakhmi (Feb) 2018 wei u ñiaw ya ki vote won ha ka 3 Wisu (March) 2018 kawa man leh ka tarik ka Synod yong ka Jingiaseng Samla KJP Synod Mihngi ha ka Balang Sutnga.
Ka Jingiaseng Samla Synod da chim ko ya kani ka laad wow pyntip cha waroh ki paaid wa ngait ka Balang Presbyterian yong ka KJP Synod Mihngi waroh nadooh ki Pastor, ki Pro pastor, ki Dkhot wa ki Delegate wa kamjooh leh ya ki paidbah.
Da kyntu leh wow pyntip leh cha kiwi hei yatoh wa ini.
Discussion about this post