Thap pyrtuid ka Ampareen wa u Ricky Shullai ynne ka sngi ha EKH kam ki kyrtong MLA

Shillong: Ka Ampareen Lyngdoh ka MLA na East Shillong da thap pyrtuid ko ynne ka sngi kam ka kyrtong ka Congress neibynta ka Election ka wow pynman ha ka 27 tarik u Thohlakhmi (Feb) 2018.

Ka Amapareen toh kawa nyngkong na kiwa thap pyrtuid ha ka sngi wa nyngkong.

Ya ka Amapareen da synraan lang da ki paidbah wa kyrchaan ya ka kiwa lai kjat nadooh na Laitumkhrah chadooh ka yungkrehkaam u Deputy Commissioner ka EKH chirup wa ka tem ka put wa i kbai ya ki kyntien kyrchaan ya ka.

Hawa klam hadien wa thap pyrtuid ka Ampareen, da kam ko wa u jop biang ko ha kani ka kynti wei da pyntip ko leh wa dadep lai lut ko cha waroh ki chnong kiwa haap hapoh ka Constituency.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong ko leh wow kreh chitom ko ryngkat wa ki buit krehkaam yow jop deiwa rap boon ha kani ka kynti neibhah kiwa kyrchaan yong ka dang neh ki hadooh katni.

Ha iwi tawon i liang da kyntait ko wow mih ko na ka Congress yow em ka Bye Eelection ha ka Constituency yong ka kamwa da jia ha ki snem wa dadep.

Da ong ko wa i krehchitom ka Party Congress da pynman ya ka wow neh ko hapoh ka Party hadooh wa kut.

Uwi won u kyrtong wa lai thap pyrtuid toh u MDC ka Laban, u Ricky Shullai u wow yakhun ya ka Election na Mylliem Constituency kam u kyrtong samen.

U Ricky da ong u wa i mih yong wow yakhun ya kani ka Election kam u kyrtong samen toh katkam wa kwah kiwa kyrchaan ya oo hanlada u kñi yong oo u Sanbor Shullai da psiah u cha ka BJP.