Jowai: Ynne ka sngi ka BJP ya ka thup ki kyrtong yong ka wow yakhun MLA 2018 da pynbna ko heiwa hapoh 6 Khliehriat da e ya ka ticket ha u Justine Dkhar uwa man leh u MLA warim kani ka Constituency.
Hadien ini ka Violet Lyngdoh kawa man ka kyrtong kawa da paan ya ka ticket ka BJP na ka jooh ka Constituency, da mih noh ko na ka party.
Ka Violet jooh man ko kam ka MDC ka BJP wei ksoh ko leh ya i kaam kam ka President yong ka 6-Khliehriat Mahila Mandal namo ka president yong ka tnat kynthai yong ka BJP hapoh kani ka Constituency.
Ynne i janmiet won da psiah noh ko cha ka NPP ha ka yalang wa khian ha yung krehkaam ka party wa em ha Shillong, heiwa da emlang u State President ka NPP u Dr. WR Kharlukhi, u Barphi Toi uwa man u State General Secretary incharge ka Jaiñtia Hills, u Fazol Nongbri, State Youth Vice President incharge ka Jaintia Hills wa kiwi kiwi.
Ka party da pynskem ko leh ya ka Violet wow man kam ka kyrtong ka party na 6 Khliehriat Constituency.
Discussion about this post