Jowai: Ka seiñ HANM-EJHD ha kani ka 3 tarik da da pynman ko ya ka General Meeting ha yungkrehkaam ka seiñ wa em ha Khliehriat, kawa pynlai da u Ency Shadap, President HANM – EJHD.
Ha katai ka sngi da emlang leh kiwa yahkhmat wa ki dkhot ki Unit wa ki Circle waphær waphær ka seiñ napoh East Jaiñtia Hills District.
Kam chibynta wow wanrah ya ka roi ka paar cha ki thaiñ khappood da iwi i yumut ka seiñ da rai ko wow phah da i thoh cha ka sorkar jylla wow pynsñiaw ya i eh i khoo ki paidbah nadooh u sarok, ki Hospital, ki skur wa kiwi kiwi.
Ha chwa ini ka seiñ daw lai li sylli chwa ko ya ki chnong kiwa em cha khappood, u thoh ko leh cha ki bor sorkar kiwa toh wow pait yei khih Benami wow pynkrehkaam hok ya ka aiñ Benami Act khnang wa ki tre jylla u yohlaad ki wow pynheh ya ka khih ka khan yong ki kamjooh leh wow pynman ya ka kynreh ka tnat Labour ya ki Labour License.
Hei yatoh won wa i chitom yoh khih yoh khan ki khynroo khyllood, ka seiñ da rai ko wow thoh cha ka Synjuk ki Waheh Shnong wow pyndooh noh ya ki bru kiwa nabaar wow jied moo slait wa kiwa thap mooyong.
Lyngba kini dawa, ka seiñ u pdiang burom ko ya ka sorkar wa thymme ka wow chna ha uni u 2018.
Discussion about this post