Em wa booh da u bom Hand Grenade ha ka kari uwa kyrchaan ya u kyrtong ka Congress

Shillong: Ynne i step heipor kamwa 11:00 waje da chem ya uwi u bom Hand Grenade wa chna ha China na ka kari wa em ya u number ML 05 F 2927 kawa mantre da u Michael Pakyntein uwa man uwa kyrchaan u kyrtong ka Congress na West Shillong Constituency.

Ki pulit ka thanat Lumdiengjri Police Station mar ya yoh yutip yei em utai u bom da lai ki wut wut cha katai ka thaw deiwa pyntip leh ya ka Bomb Squad.

Hawa yaklam wa u Michael da pyntip u wa hadien wan uiñ u cha yung da booh u ya ka kari yong oo ha khmat yung wa sah u neidaw wa da miet ware, wei manda khai thiah step u da chem u ya ka plastic wa kynset hadien ka kari yong oo wei manda pait u da chem u wa em wa song da u bom wei da pyntip u wut-wut cha ki pulit ka Lumdiengjri.

U Michael da pynbaad u wa ya ini da leh da kiwa pyrchah ya u kyrtong Congress wa kyrchaan u.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da beiñ u ya ki bru wa emkti ha ini i kaam wei da ong wa i yakhun toh ha ka Election ymtoh ha ka thma wa kamni wei ini i leh da wanrah ko yei syir mynsien ya ki paidbah.

Neiliang u SP (City), u S. Thamar da ong u wa ympu ye u u ong wa ini i jia em yatoh i wa ka Election namo ym em kat wympu ye u pyndep ya ka takit.