Pteiñ i pakhot ktieh hapyrdi ka Congress wa ka BJP

Shillong: I ya pakhot ktieh hapyrdi ki ar tylli ki Party heh, ka Congress waka BJP da pteiñ ko katwa dang jan ka Election MLA ka wow pynman ha kani ka 27 tarik.

Uwa e ktien ka Congress, u Tom Vaddakan da ong u wa ki paidbah ka Meghalaya toh u yait ki ka ka BJP wa ki Party kiwa krehlang ko neidaw wa man ki kiwa arsap.

Da ong u wa ka BJP tip bha ko kammon wow taan ya kiwi ki party wei iwa sñiawsih toh wa kini ki Party kiwa kyrchaan ya ka BJP haap kylla Judas ki.

Da pynsñiaw u yei sñiawlyngngoh wa kiwa boon hi ki seiñ saiñpyrthai smat ki wow pyndem hakhmat ki buit ka BJP.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

U Tom da ong u wa ka Congress u yaleh ko katwa ye ko yow khanglaad ya ka BJP wow wan ko ha i bor ha kani ka jylla.

“I ym ye i wow e laad ya ka party wa thmu wow phiah ya ka ri ha i pyrtuid i baam i dih, i kup i sem wa ka niam wei lada i rem i ha Meghalaya mut wa da rem ha ka ri waroh kawi,” ong u Vaddakan.

U Tom da kynthah u leh ya ka sorkar NDA wa yahkhmat da ka BJP deiwa ong wa kani ka sorkar da pynchitom ko ya ki paidbah khamtam kiwa dooh wa duk deiwa wanrah ya ki aiñ kiwa khyllah wa kiwa ktah ya waroh.

Da ong u wa i pynkylla ya ka poisa da man ko kam ka la-ær yong kiwa da tympra ya ka yoh ka kot ka ri wei da wanrah ko leh yei yap ki paidbah wa lui lui hadooh 150 ngut.