Pyllait ka UDP ya ka Election Manifesto ka yong ka kawa kular wow pynku ya ka jait bru

Shillong: Ka UDP ynne ka sngi da pyllait ko ya ki thong Election namo ka Election Manifesto neibynta ka Election ka wow pynman ha kani ka 27 tarik.

Ya kani ka Election Manifesto da pyllait da u President ka Party u Dr. Donkupar Roy hei emlang u Dr. Jemino Mawthoh u General Secretary ka UPD, u Bindo M Lanong, u Paul Lyngdoh wa kiwi kiwi.

Ha kani ka Election Manifesto ka UDP da kular ko wow wanrah ya ka synchaar kawa lait na ki kaam baam-tooh wei wow wanrah ya ka chong suk chong saiñ.

Ka UDP da kular ko leh wow wanrah ya ka puræ puthi wa ka chait ka khiah ha i dor wa biang, wow wai laad ya ki khynroo khyllood wow yoh kaam yoh jaam ki wow wanrah ya ka roi ka paar kawa neh.

Da booh leh ya ka thong wow khang laad yei wan psiah ki bru na baar jylla kamjooh wow pyllait noh yei cha khang tih ya ki mar pohkhyndaw ha ka jylla.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Hawa yaklam won wa kiwa pathai khubor hadien wa pyllait ya ka Election Manifesto, u Dr. Donkupar da ong u wa ka thong wa ha khmat dooh toh ka kaam puræ puthi ha ki chnong nongkyndong kamjooh ya kiwa sikai wei ka Party u pyllait ko yei su bai skur ya ki khynnah wa wan na ki man yung wa dooh wa duk hadooh ka kyrdan Degree.

Da ong u leh wa kiwi tawon ki phang toh wow wanrah ya ka sarok wa bha kawa neh skem ha ka jylla.

Heijooh i por da ong u wa hadien wa chna sorkar, ka UDP, HSPDP wa ka GNC daw booh ki ya ka kyndon krehkaam ki kawa da ya mynjur lang.

Katwa u Bindo Lanong da ong u wa ka UDP u thooh laad ko wow pynbha ya ki thaw sumaar heiyatoh waka Shillong Civil Hhospital neibhah kamwa man kattæ tang ka kor X-Ray leh ym biang wei ym boi yaklam ya kiwi kiwa emkaam kani ka thaw sumaar.