Daw lai iachem ki MDC ka JHADC ia u lat iow pynkrehkam noh ia ka aiñ synchar ki waheh chnong hapoh ki pud ki sam ka JHADC

Daw lai iachem ki MDC ka JHADC  ia u lat iow pynkrehkam noh ia ka aiñ synchar ki waheh chnong hapoh ki pud ki sam ka JHADC

Jwai: Kam ka khubor wa da ioh, waroh ki MDC iong ka JHADC daw lai iachem ki wa u lat ka jylla ha kani ka 19 tarik uni u bnai ha Raj Bhavan, Shillong.

Kani ka lai iachem ia u lat toh yow ioh lad ki MDC u iaklam wa u lat wa u kyntu ia Oo iow mynjur noh u u pynkreh kam noh ia ka ain synshar ia ki Waheh chong, Sirdar wa ia ki Dolloi kiwa em hapoh ka JHADC.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ku dor i doh masi ha JWAI

Jwai: U President wa u Secretary ka Seiñ ki nongdai doh Masi ha Jwai u ma Lewis Pyrtuh wa ma Ioolang Ryngkhlem ha ka khubor wa da e ki da pynbna ki wa u ku dor noh i doh masi.

I dor thymme i doh pasoh wa khleh lang wa i chyieng u ku i cha ka Rs. 260 na ka Rs. 240. I dor iong i doh wa pasoh suda u man ki Rs. 280 na i dor warim i wa man Rs. 260.

Da ong ki wa i syad i dor ki masi katni ki por da pynman ko iaki u pynku noh ia ki dor doh na ki por cha ki por.  Ong ki leh wa ya  ini i pynku dor da mynjur u Deputy Commissioner ka West Jaintia Hills District hadein waka seiñ iong ki da dep iachem ki wa Oo.

Daw sdang ka Invitation Football Gold Cup ka Moosyiem CSC ha Changpung

Changpung: Ka 14^th Invitation Gold Cup Football Tournament daw man biang ko ha uni u snem ha madan Hula Moosyiem Changpung kawa daw pynman da ka Moosyiem Cultural & Sports Club.

Ia kiwa jop pahinal ha uni u snem u rah ki ia ka poisa wa chi lak tyngka wa i ksiar chitein tula, kiwa chahrem won u ioh ki 50 hajar tyngka wa i ksiar chitein tula.

Ia ki club ne ki team wa kwah u chimbynta ha uni u snem ye ki u phone ha kini ki number: 8119971502, 9856992096, 8014183159 kiwa toh iong u ma Langbang Organising Secretary, u ma N. Sutnga Chairman wa u ma C.Langbang General Secretary. Ia ka bai registration ha kani ka lympung u man ko Rs. 3,500, katwa ia ka sngi khle nasib daw man ko  ha ka 14/08/15 ha ka por 2:00 ha madan Changpung Moosyiem.

Da pynkynriah ia ka tarik District Health Adalat

Jwai: U Deputy Commissioner ka West Jaintia Hills District, Jowai da pyntip u wa daw em ka ialang ha ka 17 tarik wa ka 18 tarik iong uni u bnai  iong ki 2013 batch IAS Probationers ha Lal Bahadur Shastri National Academy of Administration, Moussorie.  Na ini I daw da hap kynriah ia ka tarik iong ka Health Adalat kawa da mut u pynman haka 17^th August, 2015 cha ka 25 tarik uni u bnai, ha i por 11 waje i step.