Jowai: Ha ka 1st T20 Cricket (Tennis ball) Tournament 2018 wa pynman da ka Chiruplang Sports & Socio-Cultural Club, Jowai; ynne ka sngi da pynman ya ka yalehke hapyrdi ka Carpediam waka Rising Star.
Ka Carpediam da Bat nyngkong ko wei da kamai ko 134 Runs deiwa haap 7 tylli ki Wickets na ki 20 Over.
Neiliang kiwa bat ka Carpediam u Kamwa Laloo da kamai boon dooh u deiwa yoh 43 Run. Katwa ki Bowler ka Rising Star da leh bha u Heimonlang Lyngdoh uwa da yoh 2 Wicket wei da e u 15 Run na ki 4 Overs katwa u Kishan Lyngdoh oo leh da pynhaap u 2 Wicket wei da e u 29 Run na ki 4 Over.
Hawa beh ya ka thong, ka Rising Star da jop ha ka 10.3 Over deiwa yoh ko 136 Runs deiwa dooh du uwi u Wicket.
Uwa Bat ka Rising Star u Kishan Lyngdoh da kamai u 75 Run khlem wa ye u pynhaap ya ka Wicket yong oo wa u Rimiki Lyngdoh uwa da yoh 40 Run.
U Bowler ka Carpediam u Sainki Laloo da man u uwa samen wa ye u pynhap ya u Wicket ka Rising Star wei da e u 6 Run na ka chi Over.
Discussion about this post