Chisien San snem dapoi biang i,
Wow khut u khroh yanga yaphi.
Da ki kyntien kular wa ki kyntien chakri,
Da ki kyntien maya jaitbru, kyntien maya Ri.
Kular boon rukom wa ki thong wa boonjait,
Seiñ hima sima wachna wa pynlait.
Hei kyntien kular sñiaw du kiwa em nongrim,
Chisien pyrkhat da thyllen, ya kawon u noh u chim?
A! yi’w yoh u beiñ u kynnoh,
Ini i por yongki hi sæ wow kular u khroh.
Chong hi-eh hei sñiaw samen wow pynchongñia,
Neibynta wow yoh ya ki bru wamiat wabha.
Kynmoo mo lok damiat næ yeini,
Ham dai toh dor yei ‘Hok’ yongphi.
Pyrkhat damiat yeiwa chadien chaphrang,
I ‘Hok’ wa ka ‘Rai’ yongphi toh kawa kyrpang.
I yap wei im ka jaitbru ka Ri,
Em ko ha ki Langhohkti yongnga yongphi.
Lada tip u e Rai ha ka luti watoh,
Man I kyrkhu wakhroo ya I waroh.
La bakla won u e Rai da ka luti wymtoh,
Yang i chahtim wei beiñ i kynnoh.
Man da kamtae! kat cha wapait daw man i tynjooh,
Lada chong da jhieh- Lada yieñ wym dam u takhooh.
Heitæ sæ u yilloop yongklaw man da sep ka sngi,
Takor thnga pynda i ya i hi.
A! ileh cha man kamni?
Discussion about this post