Ka sorkar BJP da Fail ko nadong chadong ha kini ki le snem chiteiñ wa da synchaar ko: Shashi Tharoor

Shillong: Uwa yahkhmat ka Congress uwa man leh u MP na Kerala, u Shashi Tharoor da yaroh u ya ka sorkar ka Congress ha kani ka jylla hapoh i yahkhmat u Dr. Mukul Sangma wa da leh ko chiboon ki kaam.

Hawa yaklam u wa ki laad pathai khubor hawa wan yalap Election yong oo ha Shillong ynne ka sngi, u Shashi da ong u wa hapoh kini ki san snem ha kani ka jylla, ka sorkar Congress da leh ko chiboon ki kaam wow pynku ya ka puræ puthi, ka scheme neibynta ki kynthai, nalor wa wanrah ya ki Scheme kam ka IBDLP, ka Meghalaya Community Participation and Public Services Social Audit Act, ka Megha Health Insurance Scheme wa kiwi kiwi.

Da syllad u leh ya ka BJP khamtam ya u Montri Rangbahdooh ka ri u Narendra Modi deiwa pynbaad wa bang u du wow klam katwa ki kaam won ym hoi ki iyi iyi leh.

Da ong u leh wa ka sorkar BJP da Fail ko nadong chadong ha kini ki le snem chiteiñ wa da synchaar ko ya ka ri.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pynbaad u leh wa u Montri Rangbahdooh tang wow yoh synchaar da kular thok u ya kiwa ymye u leh tangwa da ye won u wow pynhun yei thmu ka RSS.

Da ong u leh wa waroh ki Scheme thymme kiwa da wanrah ka BJP toh kiwa ktah ya ki paidbah kam wow pyndooh poisa wei da pyrchang ko wow wanrah ya i rukom pyrkhat Hindutva katwa kiwi tawon toh kiwa pynbood ki na iwa dep sdang ka sorkar UPA.

Chooh chooh da ong u wa ka BJP ymye ko u leh iyi iyi leh ya ka Meghalaya wei da pyrchang wow psiah lyngba ka National People’s Party (NPP) kawa na tdong ka BJP.

Hawa yaroh u ya ka yurim ka Congress, u Shashi da kam u wa ha India du ka Congress kawa yieñ ha ka yurim wa emburom ya waroh ki jaitbru, ki jaitniam ymtoh kam ka BJP kawa thmu wow wanrah da kiwi ki rukom pyrkhat pyrchah ya ki khian paaid.