Jowai: Khnang wow pyntikna wa lai bait ka thap vote ha ka 27 tarik wei wow wanrah yei chongsuk chongsaiñ ha ka chnong nadooh ka sngi thap vote hadooh ka sngi ñiaw Vote, ka Dorbar Chnong Mynso-B lyngba u waheh chnong u RM Khlem da pyntip paidbah u ya ki kyndon wa khang pyrchah wow leh hapoh ka chnong.
Da khang wymhoi u pynkulmar hapoh ka chnong, wow dai kiad næ dih kiad muaid, ymchah u yachaad namo u pynman ya ki tamasa leh sñiawbha kam wow chaad wei wow pynheh sur, wow pynbor næ pynbiej wow thap Vote da ka poisa.
Da khang leh wow psiah kiwa nabaar ka chnong chapoh ka chnong hei miet khlem e mi daw wa biang nadooh ka 24 tarik hadooh ka sngi thap Vote, emkaam wa kiwa chong chnong u pyndep ki yei kaamram yong ki wow thap vote, ym chah leh u thap Vote yong kiwi.
Lada chem ya kiwa leh pyrchah daw pynchitom ya ki wei daw ekti ya ki cha ki bor ka aiñ.
Discussion about this post