Shillong: I thap Vote ha waroh kawi ka jylla lait noh ha Williamnagar wow jied ya kiwa mihkhmat cha ka yung dorbar chna aiñ ka jylla kawa pynman ynnin ka sngi da poi ko cha 84.86% kiwa mih wow thap Vote.
U Chief Electoral Officer (CEO) ka jylla u FR Kharkongor hawa yaklam ynne ka sngi wa kiwa pathai khubor da ong u wa i wan chimbynta kiwa thap Vote ha kani ka kynti da ku ko lada wyrchaw wa kini ki 5 snem wa da dep.
Da pyntip u wa ka Mowkaiaw Constituency toh kawa boon dooh heiwa kiwa thap Vote da mih ki 93.21% katwa ka North Shillong toh kawa duna dooh heiwa da mih kiwa thap Vote du 60.79%.
Neiliang ki District, ka South West Khasi Hills District toh kawa duna dooh kiwa mih wow thap Vote wei da poi ki 75% katwa ka South West Garo Hills toh kawa boon tam kiwa mih wow thap ya ki Vote kiwa da poi cha ka 91.5% na ki 11 tylli ki District ha ka jylla.
Ka sngi niaw Vote u pynman ha ka 3 tarik u Wisu ha ki 13 tylli ki thaw wei ka tnat Election da pynbiang ko 11 tylli ki Company chipai wow sonteri ya iwon iwon i huri hura ha ka sngi niaw Vote kynthup leh ha East Jaiñtia Hills wa ki bynta ka Shillong.
Discussion about this post