Jowai: U SP ka West Jaiñtia Hills u Vivek Syiem da pyntip u cha ki paidbah, ki Counting Agent, ki kyrtong kamjooh ya kiwa kyrchaan ya ki kyrtong hei yatoh wa i rukom lai rukom wan ki kari ha ka sngi niaw Vote ha ka 3 tarik uni u bnai.
Ka sarok na laad DC cha ka kur Dkhar Park hadooh ka sarok wa lai nadien ka yungkrehkaam u DC u man ki kiwa chang ya ki paidbah lait noh ya ki kyrtong, ki Counting Agent wa kiwa kreh sorkar wa kreh neibynta ka Election.
Ki kyrtong ka 1-Nartiang, 2-Jowai, 3-Raliang wa 4-Mowkaiaw hap hiar ki ha laad DC wei hap psiah ki na ka 1st Gate DC Office. Ki kyrtong u chah u pynyeiñ kari yong ki ha Madan Chaad Sukra (Nangbah Stand). Katwa kiwi tawon hap pynyeiñ kari ki ha Ummulong Stand Parking Lot kawa em ha chrooh ka Jowai Police Station.
Ki kyrtong ka 7-Amlarem hap hiar kari ki ha ka sarok wa lai nadien ka yungkrehkaam u DC wei u psiah ki na 2nd Gate kawa em pyrchha ya ka kur Dkhar Park.
Discussion about this post