Jowai: Ka NPP deiwa yoh ko yei kyrchaan ka BJP, UDP, PDF, HSPDP wa uwi u kyrtong samen u Samuel M Sangma da tam ki ya ka 30 ngut ki MLA wei da poi ki waroh 34 ngut heiwa da yoh bor ki na u lat ka jylla wow chna sorkar hapoh ka jylla Meghalaya.
U Conrad Sangma u man u kam u Montri Rangbah ka jylla wei u baam smai u ha kani 6 tarik heipor 10:30 i step ha Raj Bhavan, Shillong.
Ka yaknieh yei kyrchaan ka UDP da sdang ko nadooh i step heiwa neiliang ka BJP da wan u Nahlin Kohli, u Kiren Rijiju wa u Himanta Biswas wow paan yei kyrchaan na u Dr. Donkupar Roy.
Ya ka sorkar thymme da e pyrtuid ka Regional Development Alliance (RDA) wei da em ka khubor wa ong wa u Dr. Donkupar u man u kam u Speaker katwa u Prestone u man u kam u Deputy Chief Minister wei daw pyntip chooh cha phi kat dang yoh khubor.
Neiliang ka BJP da ong ko wa da yooluti ko wa dang boon ki MLA wow wan kyrchaan ya kani ka sorkar RDA.
Discussion about this post