Jowai: Hadooh 49 ngut ki bru da dooh ki yei mynsien ki hadien wa ka liensuiñ namo ka Airplane wa em ya u Number Flight BS211 yong ka US-Bangla Airlines da haap ko manda poi ha Tribhuvan Airport, Kathmandu, Nepal ynne ka sngi.
Kani ka Airplane da kit ko 71 ngut ki bru wei da mih ko Dhaka, Bangladesh deiwa thmu u lai cha Kathmandu, Nepal.
Ki 22 ngut kiwa mynsoo da kit ya ki wut wut na kani ka thaw yow yoh ki yei sumaar wa biang.
Kiwa boon kiwa chong ha kani ka Airplane toh kiwa na ri Nepal, Bangladesh, uwi na China wa uwi won na Maldives wei waroh kiwa kreh ha kani ka Airplane heipor wa jia ini toh kiwa na ri Bangladesh.
Ka yutip wa yoh da ong wa kani ka Airplane da wan ko na i liang wa bakla (Wrong Direction) yong ka thaw hiar (Runway) heiwa da jia ini waroh heiwa da wan ko na liang wah heithaw wow wan ko na liang neiñ.
Discussion about this post