Yap uwi mynsoo ar ngut hei yatyngkhooh kari ha Jowai

Jowai : Ynne ka miet ka 20 tarik heipor 9:30 i miet da em i yatyngkhooh kari hapyrdi ka Tata Sumo ka Scooty wa ka Jeep. Ini da jia i ha ka Lad Carolyne Colony ha Ladthadlaboh, Jowai.

Ini i yatyngkhooh kari katkam kiwa da yoh u sakhi da ong wa da jia i heipor wa da mih kani ka Scooty na CS cha u surokbah NH44.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong leh wa ha kani ka Scooty da em le ngut kiwa chong heiwa da em uwa da khlad da tip kam u Rikilang Dkhar uwa 21 snem i rta, katwa ki lok u ya kiwa da tip pyrtuid kam u Banteilang Lyngdoh uwa 22 snem wa uwi u Bantei Lyngdoh uwa 24 snem i rta da mynsoo ki wei da kit ya ki wow chah sumar ki ha Dr. Norman Tunnel Hospital (Michon Hospital) Jowai.

Kani ka Tata Sumo da tyrrah ko leh ya ka wi ka Jeep wa yein harood surok hadien wa tyrrah ko ya kani ka Scooty. Heipor wa jia ini i tyrrah kari kani ka Sumo dang hiar ko cha Iawmusiang.

Ka Tata Sumo kawa yatungkhooh da em ko ya u number ML 04A 6867 ka Jeep wa em ya u number AS 01AJ 3544 katwa ya u number ka scooty ym pu ye u yoh.

Hadooh wa e ya kani ka khubor ym pu ye u tip yi wa bakla wei dang takit ki pulit yeini.