Jowai: Wow pynche ya ki luti syngkieñ da sdang pyndait ya ki LED Street Light wa toh dor ha dong Pyndengrei wa ki bynta ka dong Ladweitang ka chnong Nongstoin da ka Office u DC ka WKH.
Ym jooh em Streetlight hapoh Nongstoin lait na ki bulb wa pyndait na ki yung ki bru wa ki dukan wei wow booh ya ki LED Streetlight ha Pyndengrei da chim ya ka light deiwa pyndait ya ki Meter ki yung bru wa em hajan deiwa pyndait ya u Sub-Meter neibynta kini ki Street Light.
“Ini i doom ka chnong ka thaw da wanrah ko yei syier mynsien ki paidbah kiwa hap lai luti dei miet khamtam ki kynthai heiwa da chim kabu kiwa boon wow chong dih kiad hapoh kari kiwa da noh klong kiad kat cha wa yoh wei em ki por da wanrah ya ka awri awra,” da ong u DC ka Nongstoin.
Manda kut bnai ya ka bai bordiñ u su yonglang da ki paidbah.
Ha Pyndengrei da pyndait Streetlight hei lut waa du kamwa T. 3.23 lak wei neiliang u MLA warim u Jyndiang da e u T. 2,57,400 na ka SRWP 2017-18, wei kawa sah won da e da ki paitbah.
Wow pynneh wei wow yada ya kini ki streetlight da ekti ha ki Dorbar Chnong.
Kamtæ da thmu wow leh yei jooh ha waroh kawi ka Nongstoin heiwa da pdiang ya ka poisa na kiwa noh kyllooid mynsien nadooh kiwa e T. 100 hadooh T. 10 lak wei da booh ya ka 14 Naitung wow man ko ka sngi wa khaddooh wow pdiang sñiawbha ya kani ka e sñiawbha.
Discussion about this post