Yoh ka Meghalaya yei naam kam ka jylla wa ku ha ki kaam rep ha ka ri India

New Delhi: U Montri Rangbahdooh ka ri, u Narendra Modi ynne da pynkup burom u ya ka jylla Meghalaya wa ku ko ha ka kaam rep heiwa u montri rangbah ka jylla, u Conrad K. Sangma da chim u ya kani ka khusnaam neibynta ka jylla hei emlang u montri ka tnat ka rep i riang u Banteidor Lyngdoh.

U Conrad da ong u wa kani ka naam toh ka yong kiwa rep ka jylla kiwa da thoh ya ka parom neibynta ka jylla hi waroh kawi heiwa da ekhublei u leh ya u Modi kamjooh ya ka Ministry of Agriculture yeiwa tipmit ki ya ka jylla wei da pynburom leh ya ka.

Ya kani ka pynkupburom da pynman heipor wa pynman ya ka Krishi Unnati Mela ha India Agriculture Research Institute Mela Groud, Pusa, New Delhi.

U Modi hawa e i klam da yaroh u ya ka jylla Meghalaya kawa da yoh ya i naam heiyatoh wa ka kaam rep hapoh ka ri India.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa katni ka ri da booh naam ko yei pynmih ya ki khoo, ki symbe, ki soh ki pe, ki jhoor ki jhep wa i dud heiwa da pynrap u wa ka kaam rep katni da pynduna ko yei yoh lap kiwa rep wei da pynku ko ya i doohnong wa i pynlut poisa hawa rep wei ka sorkar katni dang kreh ko wow pynduna yeini waroh.

Chooh chooh da ong u wa ka Kisan Sampada Yojana yarap ko wow pynkhlan ya i khayi pateiñ deiwa wanrah ya ka rukom khayi kawa katkam ka juk kawa katni heiwa da ong u wa ka Operation Greens kawa da pynbna ha ka mang poisa ka ri thmu ko wow pynmyntoi ya kiwa rep soh wa ki jhoor kam ki sapdok, piat wa u syllah.

Da ong u wa ka kaam psan ngap ye ko u man kawa myntoi bha wow kyntu ya ka lap kiwa rep.