Daw khut yalang u montri ya ka KHADC wa kiwa synchaar chnong wow pyrkhat ya ka MUDA

Shillong: U Montri ka tnat pynroi sor u Hamletson Dohling da pyntikna u hapoh ka yung dorbar chna aiñ wa daw booddien u wow pyntikna wa ka aiñ chna yung ka Meghalaya Urban Development Authority (MUDA) ym lai ko cha baar u pood u ang ka Municipal.

Hawa jubab ya ka phang wa wanrah u MLA ka Mawlai heiyatoh wa ka MUDA ynne ka sngi, u Hamlet da ong u wa ka yalang ha ka 14 Kmaichonglad, 2017 kawa da khut da ka sorkar wa wan chimbynta da ka KHADC, SNSBH da rai wa ka KHADC emkaam wow chna ko ya ka Town Committee ha ka jylla.

Hadien wa chna ya kini ki Town Committee wow phah yei pyrtuid yong ki cha ka tnat pynroi sor ka jylla ka wow thung won ya ka Local Authority katkam ki kyndon ka Meghalaya Town and Country Planning Act 1973.