Wanrah burom biang u Ferdinand Suchiang ya ka Ri-loom Jaiñtia ha ki yakhun ha Bangkok, Thailand

Jowai: Sa chisien u Ferdinand Suchiang da wanrah burom u ya jaitbru deiwa yoh u ka wi ka takma ksiar wa ka wi ka takma tama ha ka lympung yadat wa pynman ha Bangkok, Thailand ha uni u bnai kawa pynkut ha ka 18 tarik.

Ya ka takma ksiar da yoh u ha ka kyrdan Senior 55 Kg Below ha ka yakhun wa pynman da ka Jeet Kune Do Federation kawa da wan yachimbynta da kiwa boon ki ri ka pythai katwa ya ka takma tama won da yoh u ha ka 3^rd International & Thai Martial Arts Games And Festival 2018 kawa pynman lang.

Kattu u Ferdinand da yoh takma ksiar u ha ki le tylli ki yakop ha ka kyrdan International, 2 tylli ha ka kyrdan North East wa kawi ha ka kyrdan National.

Da ong u leh wa ha kani ka kynti ym em yoh yarap poisa naka sorkar wei ka bai lai bai wan u da kyrchaan poisa da ki arngut ki bru wei ha kani ka kynti ka poisa da kynjoh ko chi lak tyngka hadooh wow poi yung biang u.

U Ferdinand toh uwa ksoh ya ka Black Belt 1^st Degree kamjooh leh da man u kam u Coach ka Kickboxing A-Level.

Hawa yaklam u Wyrta wa u Ferdinand da ong u wa pynchlur u leh ya kiwi kiwa em i sap ha waroh ki jait yalehke wei ymtoh u dooh mynsien ki manda tyngkhooh ki iwon iwon ki moo chynthut, emkaam u kreh chitom wei ym hoi u ngop ha ki kaam dih pyn muaid neibhah ka luti wai bait ko lada krehchitom.

Ha kani ka kynti u Juhpaujuh Nongtdu na Nartiang leh da yoh takma ksiar u ha ka 55 Kg Junior Boys Full Contact.

Waroh naka jylla Meghalaya kiwa lai ya chimbynta da em ki 7 ngut heiwa arngut toh kiwa na ri-loom Garo kiwa da yoh ya ka wi ka takma rupa wa ka wi ka takma tama, 3 ngut na Ri-Bhoi kiwa da yoh artylli ki takma rupa wa kawi ka takma tama, ar ngut na ri-loom Jaiñtia kiwa yoh ar tylli ki takma ksiar wa kawi ka takma tama wa 3 ngut kiwa na Shillong kiwa da yoh mar kawi ka takma ksiar.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Neiliang ki kur ki jait u Ferdinand da pynkup burom ki ya oo ha yingkieñ Myntdu heiwa neiliang ka bor District ka jylla wa ki Officers Club ka West Jaiñtia leh da pynkup burom ki ya oo wei ha Meghalaya House Guwahati da pynkup burom biang ka kur Suchiang ya u Ferdinand.