Dei thmu wow lai cha Bangladesh poi ka Truck 14 chaka chawa kut u sarok ka chnong Jowai heiwa da kylla ko dei chrooh

Jowai: Ka wi ka Truck 14 chaka wa em u Number PB-11CC-2299 kawa mut u lai cha Bangladesh da kylla ko dei chrooh hadien wa da lai hiar bakla ko cha wa kut u sarok ka chnong Jowai ha Khliehlangcha, (ka luti wow lai cha yingkieñ naar) Khimusniang.

Ini da jia i hei step ka 23 tarik heipor 4:00 waje heiwa uwa yah kani ka Truck u Balbil Singh da pyntip wa da mih ki na ka jylla Maharashtra deiwa kit sapieñ wei da thmu wow lai li booh cha Bangladesh.

Da ong u wa da em ki le tylli ki truck wei ar tylli da lai chwa ki cha khmat katwa oo won da mih u nadien wei kiwa lai cha khmat da ong ki ya oo wa hadien wa kut kawi ka yingkieñ daw em i bynta wa sih u sarok wei cha khmat won daw miat biang u sarok.

U Balbil da ong u wa kani toh ka sien nyngkong wa poi u cha kani ka thaiñ wei manda poi u ha ka laad wow dong na khmat ka yung krehkaam u DC ha Iawmusiang da lai bait u wei manda poi u heithaw wa kut ka sarok da mut u jan ini itæ i thaw wa ong ki wa sih u sarok kamtæ oo da hiar bait u wei manda poi u ha iwi i thaw da kylla ka truck dei chrooh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hapoh ka Truck da emlang u Handyman wei ym em wa mynsoo.

Hawa pait yei khian wei sih uni u sarok da yoo phylla wa kani ka truck da poi ko rap jngai kamwa chiteiñ loom wow poi cha ka Wah Myntdu.

Ini i jia i bakla luti da jia i khari khari ym du ya ki Truck kamjooh leh ya kiwa lai uiñke suwari kiwa thmu u lai cha Krangsuri, Chnongpdeng wa cha Dawki da poi pathan ki cha Chutwaku wa cha Khimusniang neidaw wym em booh Signboard khamtam ha khmat yung krehkaam u DC ha Iawmusiang, Jowai kamjooh leh ha kiwi ki thaw.

Ya kani ka Truck ynne ka sngi da pyrchang wow taan ya ka.