Jowai: U President ka Hynniewtrep Youth Council (HYC-JHD) u Damanleki Lathong uwa man leh uwa ak ha ka film Pnar INAMORATO, hadien wa wan pait ya kani ka phlim ynne ka sngi ha Bijou Cinema Hall Shillong da pynsñiaw u yei sñiaw ngooh wei sñiawkmen wow yoo ya ki paidbah kiwa wan e i kyrchaan ya kani ka phlim.
Ya kani ka phlim da pynwandur da u Jimmy Raul Kharmuti.
Neiliang u Damanleki kam uwa yahkhmat seiñbhalang da chimbynta u ha kani ka phlim, wei da ong u wa toh i kaamram ki paidbah ka jylla hi waroh kawi wow kyrchaan ya ka phlim kam ka dak wow e mynsien wei wow pynchlur ya ki khynroo khyllood kiwa em sap.
I e mynsien man i ym du ya ki Director/Producer, tangwa kamjooh kiwa ak, kiwa rwai, wa chna sur, kiwa riñ Camera, wa kiwi kiwi.
Heijooh i por u Damanleki da kyrpaad u ya ki paidbah wow wan kyrchaan ya kani ka phlim ka wow pynyoo ha Bijou Cinema, Shillong nadooh mynstep ka 26 tarik hadooh 29 tarik uni u bnai.
Kani ka phlim toh kawa klam chaphang i jæd i pra ha ka manyung neidaw i chongkha chongman ha ka imlang sahlang katkam wa man katni wa ka spah kawa pynsih ya ka mynried yong ki.
Neiliang u Director da kyntu u ya ki khynroo khyllood wow man ki kiwa husiar ha ka kaam chongkha chongman wei ymtoh u man ki kiwa jhan.
Discussion about this post