Jowai: Ynnin ka 27 tarik da sdang ya ka Annual School Sports 2018 yong ka skur Rymbai Government Secondary School ha madan yalehke ka Balang Presbyterian, Rymbai, Wahstabang, heiwa da sdang ya ka deiwa leh ya ka March Past na ki khynnah yong jar jiar ki Group.
Ha kani ka sngi sdang u kongsan toh u Khroobok Warpassah uwa man u District Sports Officer, East Jaiñtia Hills District uwa da chim ya ka Salute wei da pynbood yeini da i yakop phet pyllah kawa tip leh kam ka 100 metres Race, wa kiwi kiwi.
Hei klam u kam u kongsan u Khroobok, da ong u wa ka sports toh kawa emkaam bha hei wow pynproh yei jabieñ ki khynnah skur, emkaam u kilan doh ki man ka sngi yow yoh yei chait i tram, deiwa ong u wa yooluti wa daw mih chiboon na kini ki khynnah ki wow yachimbynta cha ka Inter School wei wow rah ki yei burom yong ki heijooh i por ya ka skur leh waroh kawi.
Da kyntu u ya kiwa sikai yow kreh chitom ki yow pynmih ya chiboon ki khynnah wa stat, ym du hei puræ heijooh i por ha ka sport leh kamjooh.
Ya ka yalang da pyllai da ka Headmaster ka skur, ka P. L. Nonglait wei ya ki kyntien e khublei da e da ka Dayarisa Lyngdoh.
Ya kani ka lympung yalehke Sports kani ka skur u pynkut ya ka myntu ka 28 tarik.
Discussion about this post