Wanrah u CEM ka JHADC ya ka mang poisa wa duna T. 21 klur

Jowai: U CEM ka JHADC, u A.A. Shullai ynne ka sngi da wanrah u ya ka mang poisa neibynta u snem 2018-2019 kawa duna T. 21,68,24,800 (Arphaw wi klur ynruphaw phra lak arphaw soo hajar phra spah tyngka).

Waroh i lut hapoh uni u snem da antaad u poi ko T. 167,18,64,600 wei ye u pynmih poisa won du T. 145,50,39,800.

ADVERTISEMENT

U CEM hei klam yong oo won da ong u iwi na ki daw wa joor i lut toh wow pynkrehkaam noh ya ka Meghalaya Fifth Pay Revision heiwa ya ka tulop wa thymmme kiwa kreh ka JHADC u kheiñ noh nadooh ka 01-01-17 heiwa ka bai tulop kiwa kreh waroh kattu u poi ko T. 18 Klur chi snem.

Da ong u leh da duna ka poisa wa yoh ka Council nadooh wa khang ka NGT wow khih mooyong neitæ i daw da ktah ko ya ka Royalty wa toh u yoh naka sorkar jylla tangwa lada kattæ leh da antaad waka Council nei bor yong ka hi u ye ko u pynmih T. 19,76,10,000 wei daw yoh bhah ko naka sorkar T. 90,00,00,000 wei daw yoh leh sa ka Grant sorkar wa T. 35,74,29,800.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka Council leh da dep yoh ko yei bhah yong ka na ki marpohkhyndaw kawa da poi T. 47.65 Klur naka sorkar jylla wei kiwa dang sah ki bhah ka Council wa toh u yoh naka sorkar jylla dang booddien ya ki kamjooh ya ka poisa wa kawa dang sah yow pyndep chna ya ka Iawmusiang Marketing Complex.

Da pyntip u leh wa ka Council ha u snem 2017-18 da yoh ko T. 10.74 Klur na ka Sorkar Pyrdi wei da yooluti u wa na kani ka poisa daw ye u wanrah boon ki kaam pynroi hapoh ka ri-loom Jaiñtia waroh kawi.

Da pynbna u leh wa ka Council leh daw pynmih leh sa kawi ka Elaka kawa tip kam ka Sumer Elaka.