Wai ya ka khnap thangbru wa nyngkong ha War Jaintia

Amlarem : Kam chibynta wow yada ya ka rymaw ha kylleiñ khamtam ya ka lyær wei wow yada ya ki khloo nei pam dieñ ha kani ka 22 tarik yong uni u bnai da wai paidbah ya ka Khnap Thangbru næ ka Eco Friendly  Crematorium hei ktien para ha chnong Padu West Jaintia Hills ya kani ka Skhim da yoh yarap poisa na ka Tnat Forest and Environment kawa da kynjoh cha ka T. 25 Lak na ka 13 Finance Commission neibynta ka Seiñ Niamtre Padu Pyllun.

Kani ka Khnap Thangbru man ko kawa nyngkong hapoh ka thaiñ War Jaintia. Ya kani ka Khnap Thangbru da tip leh kam ka (L) Kamawel Shullai Eco Friendly Crematorium deiwa booh yei pyrtuid uwa chem ya kani ka rukom thang ya kiwa da yap.

Ya kani ka khnap da wai paidbah da u Parliamentary Secretary yong ka tnat Sport & Youth Affair u Ma Stephanson Mukhim heiwa da man u kam u kongsan hei emlang u MDC ka War West u Ma Het Pohthmi kam u symbood kongsan, ka kong N. Laloo, District Forest Officer Jaintia Hills Division Jowai, u Acting Dolloi ka Elaka Jowai u Ma P. Kynjing, President ka Seiñ Raij Jowai u Ma O.R.Challam wa kiwi kiwi.

U kongsan hei klam da yaroh u ya ka Seiñ Niamtynrai Padu Pyllun kawa da ye u pynkreh hok ya kani ka Skhim heiwa da yoh ya kani ka khnap ha kani ka sngi.

Da yaroh u leh ya ka Shnong Padu Pyllun waroh kawi yei chongsuk shongsaiñ neibhah ym jooh em iwon iwon i awri awra næ i yakdaw kti hei yatoh wa ka niam ka rukom.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Hei yatoh wa kani ka sngi wai ya kani ka khnap Thangbru neiliang ki Khun Samla ka  Seng Niam Tynrai da e ki yei chad wei da yoh leh yei ngooh i dem na ki waheh ka chnong.