Sepai ka T. 61 lak ka JHADC nei wym krehkaam ka tnat Statistics & Information ka Council

Jowai: Ka Website yong kawon kawon ka tnat krehkaam ka sorkar næ Company ki bru samen man ko kawa emkaam bha ya ki paidbah khamtam ha ka juk kawa katni neibhah lyngba yong ki ki paidbah yoh yutip ki deiwa suk wei kiwa tikna nadooh ki laad yarap, ki bru wa yoh myntoi, ki scheme, i lait kreh wa kiwi kiwi.

Tangwa ha kani ka kynti won ka website yong ka Jaiñtia Hills Autonomous District Council (JHADC) kawa e pyrtuid www.jhadc.nic.in neidaw wa khaler kiwa kreh yong ka namo i duna ha iwon iwon i bynta hadooh ynne ka sngi u Thombor Shiwat dang ksoh u ya ka chuki u Chief Executive Member ka Council wei u Awhai Andrew Shullai dang man u kam u Deputy Chief Executive Member yong ka.

U Shiwat uwa man u MDC ka Umladang-Nartiang da ieh u ya ka chuki CEM haka 21 Naikhynde 17 wei u Shullai u MDC ka Jowai Central da chimkti u ya ka ha ka 22 tarik u jooh u bnai.

Katkam ka Budget næ ka mang tyngka ka JHADC, da mang T. 96,35,200 neibynta ka tnat Statistics & Information Department ka Council kawa man ka tnat kawa pait ya i bha i miat ka Website heiwa da bhah T. 2 Lak neibynta wow pynmiat ya ka website ha u snem 2016-17 wei kamjooh leh ha u snem 2017-18 da bhah leh T. 15 lak neibynta wow thied Computer, wa kiwi kiwi ki tiar wa emkaam.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ha kani ka tnat da thung ya uwi u Head Computer & System Engineer Statistics & Information Officer wa u Computer Engineer wei da mang T. 19,37,700 neibynta ka tulop, ka allowances wa ka bai luti yong ki.

Nalor kini da thung leh ya uwi u UDA, 3 ngut ki LDA, 3 ngut ki Computer Operator wa kiwi kiwi iwa kynjoh cha ka T. 42 lak tam chi snem.

Hawa kamni i pynlut iwa kynjoh palat T. 61 lak ha ka chi snem toh hi ma-ai wa da sepai ka poisa neibhah ki sahep kani ka tnat ym em pyndep ki ya ka kaamram.