Maham ka KSU ya ki Agent wa chukor ya ki khynnah puræ

Jowai: Ka seiñ KSU Bangalore Unit da maham ko ya ki Agency wa phah khynnah puræ cha Bangalore deiwa chim kabu ya ki khynnah Khasi deiwa e thaw puræ ya ki cha ki College ki wym biang wei hadooh wa sepai ki snem ki khynnah du neidaw wa kwah myntoi samen ki Agent kini ki Agency.

Ka seiñ leh da e yumut ko ya ki manbei manpa kiwa kwah wow phah puræ ya ki khon cha baar ka jylla wow sñiawbha ki wow thooh yutip bniah chwa wow jied ya kawon kawon thaw næ ka College neibhah boon ki Agent ym em pyrkhat ki ya ka mynried yong ki khynroo khyllood wei ki pyrkhat ki du wow yoh u pyllang spah hei pyrtuid i puræ puthi.

Ka seiñ jooh chem ko boon kam kini wa jia wei ym toh u jied kulmar yow lait u poi cha i silet kamjooh i pynsepai ya ka poisa.

Ka seiñ da ong ko leh wa boonsien ki khynroo khyllood ka Bri u Ynñiawtrep yong i, hawa lai puræ ki cha baar ka jylla jooh chem ko boon i eh i khoo wa ki moochynthut iwa pyndooh mynsien yeiwa angnood wa em ha ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da ong ko lada dang chem ya kiwa chim kabu, ym yohsa ko wow lai da kiwi ki luti kiwa eh.

Ka seiñ ka da kyntu ko leh ya kiwa lai puræ wow em ki raikut wa skem wei ym toh u chah yah luti bakla yow lait nei dai sarom ya ka yung ka sem wa ya ka jaitbru wei da yooluti ki leh wa ki manbei manpa leh u krehlang ki wow wa ki khon u wanrah ki ya ka burom kawa man ka spah wa kordor tam.