Cha Delhi u lai u Conrad wow pyllait na i khang tih mooyong

Shillong: Ka dhab ki montri ka sorkar MDA ynne ka sngi da chim ki ya ka rai wow lai kyrpaad ya ka sorkar pyrdi wow wow pyllait noh yei khang tih mooyong hapoh ka jylla.

Hawa yaklam wa kiwa pathai khubor, u montri ka sorkar jylla, u Prestone Tynsong da pyntip u wa da yaklam yillu wow lai chaphrang wow tikna wow pyllait biang u tih mooyong hapoh jylla.

U Tynsong da ong u wa ka sorkar da rai ko wow lai katkam ka rai yong u snem 2015 wow kyntu ya ka sorkar India wow pynpsiah ya ka Para 12A(b) ka Sixth Schedule wow pyllait ya ka jylla na i khang mooyong.

Da ong chooh chooh u wa neidaw wa kani ka kaam ya tyngkhooh ko wa ka wa ka aiñ sorkar kamjooh leh wa ka yung bichaar, neiliang ka sorkar daw paan yumut ko na u Advocate General ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U montri da pyntip u leh wa ka dhab ki montri hapoh i yahkhmat u Montri Rangbah, u Conrad K Sangma mynstep daw lai ki cha Delhi wow kyntu ya ka sorkar pyrdi wow pyllait ya i tih mooyong heiwa daw yachem ki leh ya u Montri Rangbahdooh ka ri, u Narendra Modi.

Heiyatoh wa ka NGT neiliang u Tynsong da ong u wa ka NGT da ong ko wa ka sorkar jylla wa haap yaklam ko wa ka sorkar pyrdi wei hadien ini emkaam wa ka sorkar pyrdi u phah ko cha ka NGT wow bichaar yei jooh.