Pdiang u Lat ya ka EC u Moonlight Pariat

Jowai: Ha ka 29 tarik u Wisu (March) da jied ya u Moonlight Pariat kam u CEM wa thymme ka JHADC wei ynnin ka 14 tarik u Lat ka jylla u Ganga Prasad da mynjur u ya i pyrtuid ki MDC ki wow em hapoh ka Executive Committee (EC) ka wow yahkhmat u Pariat.

I yoh ya ka mynjur na u Lat da wan awjan chi bnai i yang wei ki pyrtuid ki MDC UDP wow em hapoh ka EC toh u Lamdibok Sumer, u Shemhok Garod, u Bison Roy Iano, u Chanky Lyngdoh, u Laitsingh Shylla, u Hermon Phawa, u Lasky Rymbai wa u Suklang Shylla.

Ki MDC ka Congress wa emlang ha kani ka EC toh u Phasmon Dkhar wa u Winning Garland Sungoh.

Ya ka chuki Deputy CEM hapoh ka Council da e cha u Lamdibok Sumer.