Da ka Para 12 A (b) ka Sixth Schedule u pynkreh ka sorkar wow pyllait ya ka jylla na i khang tih mooyong

Shillong: U montri rangbah ka jylla, u Conrad K Sangma ynne ka sngi da pyntip u wa ka jylla da dooh poisa ko hadooh T. 700 klur nadooh wa khang yow tih mooyong da ka NGT ha kini ki 4 snem wa da dep.

U Conrad da ong u wa i sah kut yong ka poisa na i khang tih mooyong man ko kamwa T. 4000 klur wei da ktah ko ya ka yoh ka kot ha ka jylla.

Hawa klam u ha ka dorbar ynne ka sngi, u Conrad uwa ksoh leh ya ka tnat Mining & Geology da ong u wa ka sorkar u lai bait ko da ka rai wa chim ha u snem 2015 wow pynkrehkaam ya ka Para 12 A (b) yong ka Sixth Schedule ka riti synchaar ka ri India wow pyllait ya ka jylla na i khang tih mooyong.

Katkam wa ong u Conrad, i khang tih mooyong da ktah bha ko ya ka jylla, khamtam ha ka liang ka yoh kaam yoh jaam nadooh kiwa mylla, ki tre truck ki tre paar wa kiwi kiwi.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

U Conrad da pyntip u leh wa dadep yachem u ya u montri yong ka sorkar pyrdi wa pait ya u mooyong, u Piyush Goyal wow yaklam wow pynlait noh ya ini i khang tih mooyng ha ka jylla.

Da pyntip u leh wa u Goyal da phah u ya ki sahep yong oo wow chimkhia ki ya ini yow yarap ya ka jylla wow tih mooyong dei wym ktah ya ka rymaw wei lada lait i tih mooyong ym man de kam wa jooh ha ki por wa nachwa wei u man ko katkam ka juk wa katni wow pyrkhat lang ya ka rymaw kamjooh leh ya ki kreh ha ki paar mooyong.

U Conrad da ong u leh manda ye u pynlait yei khang tih mooyong, daw em ki kyndon kiwa daw booh heiwa waroh haap bood ki.

Da pyntip u leh wa ya kani ka jooh ka kaam da dep wow pynsñiaw ha u montri rangbahdooh ka Ri India, ha ki sahep ka sorkar jylla wa ki sahep ka sorkar pyrdi wei dang pteiñ ki u yaklam heiyatoh wa ini waroh.