Jowai: Ka seiñ HANM-Central Body hapoh i yahkhmat yong u Damonmi Dkhar, General Secretary chirup wa kiwa yahkhmat ka seiñ kiwa napoh Ri-loom Jaiñtia, ynnin ka sngi da lai booh ko da ka dorkhat ha u AL Hek, montri ka chait ka khiah hajrong ka yurim wow phah wai noh ya ki ar tylli ki thaw sumaar hapoh West Jaiñtia Hills wa kynthup ya ka Maternity and Children’s Hospital ha Jowai waka Community Health Center, Namdong neibynta i myntoi ki paidbah kani ka thaiñ.
Hawa yaklam wa ki dkhot ka seiñ, neiliang u montri da pyntip u wa i slem ka sorkar wow wai ya kini ki thaw sumaar toh neidaw wa dang duna ware kiwa ye u kreh ha kini ki thaw wei da pyntip u leh wa ka sorkar wa ka Personal Department dang pynbkhreh ko yeiwa emkaam kini ki thaw sumaar wei ka sorkar ym slem de da wai ko ya kini ki thaw.
Discussion about this post