Jowai: Hadien wa chah pakhot petrol bomb i yung ka Editor yong ka kotkhubor The Shillong Times, ka Patricia Mukhim ynni i miet ka 17 tarik heipor kamwa 8:30, da mih chiboon kiwa beiñ yeini iwa jia.
Neiliang ka seiñ kiwa pathai khubor na ri-loom Jaiñtia ka Jaiñtia Journalists Association (JJA) da beiñ joor ko yeini iwa jia deiwa dawa wa ki bor sorkar toh u takit bniah ki yeini wei wow pynchitom ya kiwa emkti ha ini i kaam.
Neiliang ka Meghalaya Electronic Media Association (MEMA) leh da beiñ ko yeini deiwa ong wa ymtoh u em kiwon kiwon ki wow chah jrong kti kamni hapoh ka imlang sahlang du neidaw i kreh yong ki wei ini waroh man i iwa ymye u pdiang la man katwa man leh.
Ka MEMA leh da beiñ joor ko ya ki damok kiwa emkti ha ini i kaam deiwa kyntu ya ki bor pulit wow booddien yeini wei wow pynchitom ya kiwa emkti heini i kaam.
Kiwi kiwa da beiñ joor yeini iwa jia toh ka Shillong Press Club heiwa neiliang u President da ong u i kreh yong kiwa thoh khubor toh iwa kreh yow wanrah yei suk wei kini ki damok ym ye ki u pynteiñ wow leh yei kaam wada pynkit ha ki kam kiwa thoh khubor.
Discussion about this post