Shillong: U montri ka sorkar jylla wa pait ya ka tnat i chait i khiah, u Alexander Laloo Hek ynne ka sngi da lai pait u yei chna ya ka Cancer Wing ha Civil Hospital, Shillong heiwa da synraan ya oo da ki sahep kani ka tnat.
Hawa klam wa kiwa pathai khubor, u montri da ong u wa ya ka Cancer Wing da dep hadooh 90 percent, wei kawa sah 10 percent toh wow pyndait ya ki tiar wa pynemkaam ha kani ka thaw e sumaar.
Da ong u wa neiliang ki sahep kani ka tnat da ong ki wa i pyndait ya ki tiar leh ym chimpor de i wei lada biang lut nadong chadong du hapoh ynru bnai kani ka thaw sumaar u krehkaam noh ko wei daw pynkyllooid ko ya kiwa wan thooh dawai na Civil Hospital.
U montri da pynsñiaw u wa lada ye daw wai noh ya kani ka thaw sumaar hapoh uni u snem wei daw wanrah leh yei kylluid ya ka Civil Hospital neibhah wa hadooh katni i boon kiwa kjut da wanrah ko i khynnia ya ka Civil Hospital chawa palat.
Da ong u leh wa neidaw wa duna kiwa kreh kiwa man kam ki Specialist wa ki Super Specialist kiwa em du ha ka thaw sumaar OPD wei lada emkaam da pynthiah lang chirup wa kiwa kjut Cancer ha Civil Hospital.
Discussion about this post