Shillong: Ka Special Intensified Mission Indradhanush da sdang ya ka ynnin ka sngi neibynta ka West Garo Hills District ha Asanang Community Hall heiwa da emlang u Deputy Commissioner, West Garo Hills, u Ram Singh, District Medical and Health Officer, Dr. M. Sangma wa ki paidbah.
Ka Mission Indradhanush man ko na kawi na ki Scheme ka sorkar India kawa haap leh hapoh ka “Gram Swaraj Abhiyan” heiwa u e dawai tika (Immunisation) cha waroh ki kynthai wa punkhon wa ya ki khynnah yow yada ya ki na ki kjut wa boon.
Ka bynta wa nyngkong ka Special Intensified Mission Indradhanush da sdang ya ka nadooh ka 23 hadooh ka 27 tarik uni u bnai, ka bynta wa ar u sdang ko nadooh ka 21 hadooh ka 25 u Naisan katwa ya ka bynta wa le won u pynman nadooh ka 18 hadooh ka 22 u Naiynru.
U DC hei klam yong oo da ong u wa emkaam bha wow e dawai tika ya ki khynnah heipor wa dang khian ki wei da kyntu u leh ya ki manbei manpa wow leh ki yeini heipor wa biang yow heh u san ki khlem yoh ya ki kjut ki wow ktah yei heh i san ki. Da ban joor u leh wa ki kynthai wa punkhon emkaam ki u chim dawai tika kamjooh leh ki kynthai wa dang e bu yow chait ym du ya ka kamjooh ya i khon.
Da yaroh u ya kiwa kreh ha ka tnat i chait i khiah kiwa da ye u lai cha kiwa boon ki chnong yow yarap ya ki paidbah wei da e buit u leh wow kylla ya ka Maternal Child Health Card cha i ktien Garo yow yoh myntoi ki paidbah.
Discussion about this post