Poi ka Block Level U &#8211; 12 Football Tournament 2018 yong ki skur ka Laskein C&#038;RD Block cha wakut

Poi ka Block Level U – 12 Football Tournament 2018 yong ki skur ka Laskein C&RD Block cha wakut

Jowai: Ynnin ka sngi ka yungkrehkaam District Sports Office, West Jaiñtia Hills District da pynhiar pyrda ko ya ka Block Level U-12 Football Tournament 2018 neibynta ki khynnah chynrang wa kynthai hapoh ka C.M.Y.D.S.

Ya kani ka lympung yalehke sports da pynman hei yakrehlang waka Laskein Block Area Sports Association (LBASA) ha madan Pamsna Mini Stadium, Laskein.

Neiliang ki chynrang da em du 6 tylli ki skur wa chimbynta heiwa ya ka final da poi da ka St. Dominic Hr. Sec. School waka Winter Adventist Sec. School heiwa yei naam jop da yoh da ka St. Dominic Hr. Sec. School da 2-1.

Katwa ki kynthai won da em du 2 tylli ki skur wa chimbynta wei da pynyaleh bait da ka final heiwa ka Laskein U.P. School da jop ko ya ka David Edward U.P. School Mukhap da 2-0.

Ya ki khusnaam da saam da u Hony. Secy ka LBASA u Rancha Lyngdoh wa u Waheh Chnong ka Laskein u Pynbait Lyngdoh, kiwa da emlang ha kani ka lympung waroh chi sngi.