Jowai: Ka Behdieñkhlam ka Seiñ Raij Kongwasan Chyrmang Kmai kawa man leh ka Behdieñkhlam wa nyngkong ka ri-loom Jaiñtia man u snem, da pyndep ya ka ynne ka sngi ha Aitnar Chyrmang heiwa da wan sakhi ya ka da u Vincent H Pala, MP, u montri ka puræ puthi u Lahkmen Rymbui, Dolloi ka Elaka Jowai u Puramon Kynjing wa kiwi kiwi.
Da sdang yakani ka lehniam ha kini ki sngi wada dep dei chaad yung heiwa ki waheh wasan dalai ki cha ki yung ki sem hapoh i chnong i thaw wei da e ngooh e dem ki yei bha i miat ka yung ka sem.
Heijooh i por ki khon ka Chyrmang Wah wa ki khon ka Chyrmang Neiñ da mih ki yow thooh Dieñkhlam ki na ki khloo dep won tæ rah ki ya kini ki dieñkhlam chapoh chnong. Dep ki u rah ya kini ki Dieñkhlam da bood won sa ka li chaad yung hei janmiet.
Ha ka sngi khaddooh ynne ka sngi, da pynman yaka pynyoo rong næ ka rah ya ki rot cha Aitnar. Ya kini ki rot waroh da rah ha Aitnar yow yoo ki paidbah næ kiwa wan yoo ke, heiwa da chaad ki khon khynnah khynroo chynrang wa kynthai wei waroh ki rot ha uni u snem da em ki 9 tylli.
Neiliang ka Seiñ Raij Kongwasan Chyrmang Kmai da e dorkhat ko ha u MP deiwa kyrpaad ya oo wow yarap poisa yow ye pynbha pynmiat ya ka Aitnar yow ye u chna pynbha yeiwa ker ya ka thaw chong kiwa wan paitke kamjooh wow chna chram Retaining Wall.
Discussion about this post