Da 5-0 jop ka Langsnging FC ya ka Jamshedpur FC

Shillong: Da ki le kool na u Kitboklang Pale wa mar chi kool na u Dibinroy Nongspung wa u Donborlang Nongkynrih, ka Langsning FC da pynrem ko ya ka Jamshedpur FC da 5-0 ha ka Group C Second Division League wa pynman ynne ka sngi ha Jawaharlal Nehru Stadium, Shillong.

U Pale da thap kool u ha ka minit wa 8, 45+2 waka 65, katwa u Nongspung da thap u ha ka minit wa 58th. U Nongkynrih won da thap u ha ka minit wa 89 wei da ku ko cha khlieh dooh ka Group C deiwa yoh ko 15 point tangwa ka ka Bengaluru FC waka TRAU FC waroh ar da em ki 14 point wei daw yalehke ki sa mar arsien.

Ka Jamshedpur da yohlaad ko arsien wow thap kool heiwa ka bol wa chut u Mukhi da ye uwa yang kool ka Langsning u Surjay Kumar Pariyar u kem ka wei ha ka minit wa 24 won u Baset Hansda da yohlaad u wow thap kool tangwa da toh ha u dieñ kool.

U Pale da kini ki 3 kool kattu da yoh u 6 kool wei da toh u man ko 7 tool du neidaw way m em ye u thap ya ka Penalty wa yoh u chut ha ka minit 83.

Related posts

Rah ka Kemidon FC ya ka Pdengshakap Football Knock-out Tournament 2025-26 deilang ka song poisa wa Rs. 3.50 lak

April 5, 2026

Ka Meghalaya State League ha uni u snem u man ko kawa heh dooh

April 5, 2026

Ka Langsning kattu daw yaleh biang ko haka 13 tarik uni u bnai pyrchah ya ka TRAU wei ym duk ware ki u yang slem yow tip lada psiah ki namo ym em cha ka Final Round ka Second Division, wei lada jop ka Mohammedan Sporting ha ka 5 tarik uni u bnai pyrchah ya ka TRAU, da yoh ka Langsning wow psiah.