Maham ka JAC wow khang ya ka karkhana M/s Abhi Coke Pvt. Ltd da i bor paidbah

Jowai: Ka Joint Action Committee hapyrdi ka seiñ Jaintia Students’ Movement (JSM) wa ki Waheh Chnong ka East Jaiñtia Hills pyrchah ya ka karkhana M/s Abhi Coke Pvt. Ltd da pyntip ki wa da chong yalang ka Committee ynnin ka 3 tarik ha ka chnong Khliemyntriang East Jaiñtia Hills District wei da kawi ka sur ka yalang da rai ko wow khut pynman yalang paidbah (Public meeting) ha ka 11 tarik uni u bnai ha ka chnong Mookhep (Lad Jalyiah) heipor 10 waje i step.

Ka Committee da chim ko ya kani ka luti hajrong ka yurim wa kani ka karkhana wa thang mooyong kawa em ha ka chnong Mookhep East Jaiñtia Hills da pynsih joor ko ya ka rymaw wei da ktah ko leh ya i chait i khiah, ki um ki wah, ka la-ær riñ mynsien, chooh chooh da pynsih ko leh ya ki tin sap yung, ki naar grill wa baam ka tdem wa mih na kani ka karkhana.

Hei yatoh wa ini ka JSM da dep thoh ko cha u Deputy Commissioner ka EJH nadooh ka 12-03-2018, hadein ini da yoh ko yei krehlang na ki kattu katni ki waheh chnong wa kynthup nadooh ka chnong Khliehmyntriang, Jalyiah, Mookhep, Pamrapaithlu, Pamrakmai, Iongkalooh Sahkai, Sohkymphor Mission wa kiwi wei da seiñ ya kani ka Committee haka 21-03-2018 kawa tip kam ka Joint Action Committee of JSM & Waheh Chnong against M/s Abhi Coke (P) Ltd.

Kamtæ kani ka Committee da thoh ko cha u DC ka EJH haka 05-04-2018 deiwa e por hadooh ka 14-04-2018 wow leh u DC yeiwa emkaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Tangwa hadein ini waroh ka sorkar ym pu pynyoo ko ki dak wow leh pyrchah ya ka tai ka karkhana hanlada u DC da kyntu u ya ka Meghalaya State Pollution Control Board wow leh da ka Joint Inspection ha ka 06-04-2018 tangwa hadooh katni ym em kiwon kiwon ki dak ki chin pyrchah ya katai ka karkhana.

Neiliang ka Committee da kylli ki wa iyi chem ka Pollution Board deilang waka yungkrehkaam u DC ha ka Joint Inspection, ka Committee leh ong ko wa da chem ko lyngba ka RTI wa ya kani karkhana da seiñ ya ka khlem yoh ya i mon ki paidbah neibhah ym em pynman ya ka Public Hearing.

Kamtæ hajrong kani ka yurim ka Committee da paan chooh chooh ko yei kyrchaan yong kiwi ki dorbar chnong kamjooh ki seiñbhalang wa ki paidbah yong ka thaiñ wow ksohkti lang deiwa wan chimbynta lang ha katai ka yalang paidbah ka wow pynman ha kani ka 11 tarik.

Ka Committee da ong ko leh wa lada ka sorkar ymye ko u khang ya kani ka karkhana daw khang ya ka da i bor paidbah.