• About Us
  • Contact Us
  • Privacy Policy
  • Advertise With Us
  • Terms & Conditions
Saturday, May 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Pynkupburom ka UDP – 7 Amlarem Circle ya ki le ngut ki MLA ka party na ri-loom Jaiñtia

Wyrta Staff by Wyrta Staff
May 5, 2018
Reading Time: 4 mins read
A A
0
Share on FacebookShare on Twitter

Jowai: Ka United Democratic Party – 7 Amlarem Circle ynne ka sngi da pynkupburom ko ya ki le ngut ki MLA yong ka kiwa na ri-loom Jaiñtia kiwa kynthup ya ki ar ngut ki montri ka sorkar jylla.

Ya kani ka pynkupburom da pynman ha ka yalang wa pyllai da u K. Pohshna uwa man leh kam u President ka Circle ha Syiem Jingsuk Parish Hall, Amlarem.

Kiwa da chah pynkupburom ha kani ka sngi toh u MLA ka 7 Amlarem u Lahkmen Rymbui uwa man leh kam u montri ka tnat Education ka jylla, u MLA ka 6 Khliehriat u Kyrmen Shylla uwa man u montri ka tnat Revenue & Disaster Management wa u MLA ka Mowkaiaw u Nujorki Sungoh uwa man leh katni kam u Chairman ka Meghalaya Economic Development Council.

Neiliang u Nujorki Sungoh hawa e i klam da ong u wa ka thong yong oo toh wow chna sarok wow pynsuk ya ki paidbah, weiwa ka ri-loom Jaiñtia da man ko kawa chah iehbeiñ bha waroh chi kattu wei yooluti u wa deiwa em ki soo ngut ki montri na kani ka thaiñ daw ye u wanrah yeiwa thrang wa angnood ki paidbah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Kyrmen Shylla hei klam da ong u wa yooluti u kani ka sorkar u ye ko u kreh neibynta ki paidbah wei ki kam ki le ngut kiwa da jied ki paidbah u yatylli ki wow kreh neibynta ka ri-loom Jaiñtia. Da ong u leh wa oo man u uwa dang khynnah wei emkaam u chiboon i yahluti na u Lahkmen Rymbui uwa man uwa da heh uwa da pliah bha ha kani ka kaam.

Neiliang u Lahkmen Rymbui hawa e i klam da ekhublei u ya ki paidbah kiwa da jied biang ya oo wow man kam uwa mihkhmat yong ki. Da ong u leh wa ki paidbah ymtoh u sñiawpher ki heiwa mar ya kut ka Election ym em rap yohpor u wow wan cha ki chnong wa ka Constituency neibhah wa du hadien wa dep cha jied da sdang wot ka Dorbar ka sorkar kawa da neh hadooh chi bnai tam deiwa kular leh wa oo hi kam u montri daw yaleh u wow kreh neibynta ka jaitbru wa ka ri-loom Jaiñtia hi waroh kawi.

Ha kani ka sngi da pynkupburom leh ya ka chnong Kamsing kawa em hapoh ka 7 Amlarem heiwa 100% ka Vote da thap cha u Lahkmen Rymbui.

Ya kani ka sngi da pynphooh da ki chaad kiwa da pynkhreh da ki khon khynroo khyllood na ki chnong wa em hapoh kani ka Constituency.

Da pynkut ya kani ka sngi da ki kyntien ekhublei na u Reachingson Kongwang.

ShareTweetSendShare
Previous Post

U mih paidbah lada ki chipai dang pteiñ ki wow wan pait ya ka thaw wa thmu booh Battalion Headquarter ha Rangthong

Next Post

Mynsoo boon ngut ha i tyrrah kari ha ki ar thaw ha EJH

Next Post

Mynsoo boon ngut ha i tyrrah kari ha ki ar thaw ha EJH

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar